ಸ್ಥಳೀಯ ಸುದ್ದಿಗಳು

ವೈದ್ಯೆ ಗಾಯಿತ್ರಿ ಮತ್ತು ಸಿಬ್ಬಂದಿಗಳ ಪರ ನಿಲ್ಲಲು ಎಆರ್ ಎಸ್ ನಿರ್ಧಾರ

ಸುದ್ದಿಲೈವ್/ಭದ್ರಾವತಿ

ಭದ್ರಾವತಿಯ ಅಶ್ವಥ್ ನಗರದ ಪ್ರಾಥಮಿಕ ಆರೋಗ್ಯ ಕೇಂದ್ರದ ಡಾ.ಗಾಯಿತ್ರಿ ಮತ್ತು ಸಿಬ್ಬಂದಿಗಳ ಪರ ನಿಲ್ಲಲು ಎಆರ್ ಎಸ್ ಸಭೆ ತೀರ್ಮಾನಿಸಿದೆ. ವೈದ್ಯರ ಮತ್ತು ಸಿಬ್ಬಂದಿಗಳ ವಿರುದ್ಧ ಜೆಡಿಯು ಮುಖಂಡರ ಆರೋಪ‌ವನ್ನ ತಿರಸ್ಕರಿಸಿದೆ.

ಇಂದು ಬೆಳಗ್ಗೆ ಭದ್ರಾವತಿಯ ಅಶ್ವತನಗರದ ಸರಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಬಗ್ಗೆ ಇಂದು ಎಆರ್ ಎಸ್ ಸಭೆ ನಡೆಸಿ ಚರ್ಚಿಸಿತ್ತು. ಡಾ.ಗಾಯತ್ರಿ ಹಾಗೂ ಸಿಬ್ಬಂದಿಗಳ ವಿರುದ್ಧ ಶಶಿ ಕುಮಾರ ಗೌಡ ಅವರ ದೂರು ಮತ್ತು ಅವರು ನಡೆಸಿದ ಪತ್ರಿಕಾಗೋಷ್ಠಿಯ ಕುರಿತು ಸರ್ವಸದಸ್ಯರು ಪಾಲ್ಗೊಂಡಿದ್ದ ನಮ್ಮ ARS ಸಭೆಯಲ್ಲಿ ಕೊಟ್ಟ ದೂರು ಸತ್ಯದಿಂದ ದೂರವಾದದ್ದು ಎಂದು ತೀರ್ಮಾನಿಸಿದೆ.

ಅಶ್ವತ್ಥನಗರದ ಸರಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಸ್ಥಿತಿಗತಿ, ಡಾ.ಗಾಯತ್ರಿ ಮೇಡಂ ಹಾಗೂ ಕಾರ್ಯನಿರತ ಸಿಬ್ಬಂದಿ ಅಧಿಕಾರ ವಹಿಸಿಕೊಳ್ಳುವ ಮುನ್ನ ಹೇಗಿತ್ತು ಎಂಬುದು ಸ್ಥಳೀಯರಿಗೆ ಹಾಗೂ ಎಆರ್‌ಎಸ್ ಸಮಿತಿಗೆ ತಿಳಿದಿದೆ. ಡಾ.ಗಾಯತ್ರಿ ಮೇಡಂ ಮತ್ತು ಆಸ್ಪತ್ರೆಯ ಸಿಬ್ಬಂದಿ ಆಸ್ಪತ್ರೆಯ ಜವಾಬ್ದಾರಿ ವಹಿಸಿಕೊಂಡನಂತರ ಅಸ್ಪತ್ರೆಯು ಎಲ್ಲಾ ಅಂಶಗಳಲ್ಲಿ ಸರ್ವತೋಮುಖ ಅಭಿವೃದ್ಧಿಯಾಗಿದೆ ಎಂದು ಅಭಿಪ್ರಾಯ ವ್ಯಕ್ತವಾಗಿದೆ.

ದಾಖಲೆಗಳ ಪ್ರಕಾರ ಅಶ್ವತ್ಮನಗರ ಆಸ್ಪತ್ರೆಯಲ್ಲಿ ಪ್ರತಿ ವರ್ಷ ಸುಮಾರು 400 ಕ್ಕೂ ಹೆಚ್ಚು ಗರ್ಭಿಣಿಯರು ಹಾಜರಾಗಿ ಆರೈಕೆ ಮಾಡುತ್ತಿದ್ದಾರೆ. ಪ್ರತಿದಿನದ OPD ಒಳಹರಿವು ಸುಮಾರು 80 ಕ್ಕಿಂತ ಹೆಚ್ಚು ರೋಗಿಗಳು ಇರುತ್ತವೆ, ಹೀಗಾಗಿ ವರ್ಷಕ್ಕೆ 12,000 ಕ್ಕಿಂತ ಹೆಚ್ಚು ರೋಗಿಗಳು ಹಾಜರಾಗುತ್ತಾರೆ. ಇವೆಲ್ಲವೂ Dr.ಗಾಯತ್ರಿ ಮೇಡಂ ಮತ್ತು ಆಸ್ಪತ್ರೆ ಸಿಬ್ಬಂದಿಗಳು ಪ್ರಾಮಾಣಿಕವಾಗಿ ತೊಡಗಿಸಿಕೊಳ್ಳದೆ ಇದು ಸಂಭವಿಸಲು ಸಾಧ್ಯವಾ? ಎಂದು ತೋರ್ಮಾನಿಸಲಾಗಿದೆ.

ಡಾ.ಗಾಯತ್ರಿ ಮೇಡಂ ಮತ್ತು ಆಸ್ಪತ್ರೆಯ ಸಿಬ್ಬಂದಿಗಳ ಕಠಿಣ ಪರಿಶ್ರಮದಿಂದ ಉತ್ತಮ ನಿರ್ವಹಣೆ ಮಾಡಲಾಗಿದೆ. ಅಶ್ವಥ್ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರವು ರಾಷ್ಟ್ರೀಯ ಗುಣಮಟ್ಟದ (NQAS) ಆಯ್ಕೆಗೆ ಕಾರಣವಾಗಿದೆ. ಮತ್ತು ಅಗ್ರ 3 ಅಖಿಲ ಭಾರತ ಮಟ್ಟದಲ್ಲಿ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.

ಭದ್ರಾವತಿಯ ವಿಶಿಷ್ಟವಾದ ಅಶ್ವತನಗರದ ಸರ್ಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ರೋಗಿಗಳಿಗೆ ಅನುಕೂಲವಾಗುವಂತೆ ಫಿಜಿಷಿಯನ್, ಮೂಳೆ. ಮಕ್ಕಳ, ಚರ್ಮ, ಮಾನಸಿಕ ಮತ್ತು ಸ್ತ್ರೀರೋಗತಜ್ಞರಂತಹ ತಜ್ಞರ ಸಮಾಲೋಚನೆಯನ್ನು ಪಡೆಯುವಲ್ಲಿ ಡಾ.ಗಾಯತ್ರಿ ಮೇಡಂ ಶ್ರಮ ಅಪಾರವಾಗಿದೆ ಎಂದು ಎಆರ್ ಎಸ್ ನಿಲುವು ತಾಳಿದೆ.‌

ಡಾ.ಗಾಯತ್ರಿ ಮೇಡಂ ಅವರು ನೀರು ಕಲುಷಿತಗೊಂಡಿರುವುದರಿಂದ ಯಾವುದೇ ರೋಗಿಗಳ ಜೀವಹಾನಿಯಾಗದಂತೆ ಸಾಂಕ್ರಾಮಿಕ ರೋಗವಾದ ಕಾಲರದ ವಿರುದ್ಧ ತಕ್ಷಣವೇ ಕ್ರಮಕ್ಕೆ ಬಂದರು. ಅಶ್ವತ್ಥನಗರದ ನೀರಿನ ತೊಟ್ಟಿಯನ್ನು ಸ್ವಚ್ಛಗೊಳಿಸುವ ಕಾರ್ಯದಲ್ಲಿ ಭದ್ರಾವತಿ ಪುರಸಭೆಯ ಅಧಿಕಾರಿಗಳೊಂದಿಗೆ ತಮ್ಮನ್ನು ತಾವು ತೊಡಗಿಸಿಕೊಂಡರು.

ಸ್ಥಳೀಯ ಸಾರ್ವಜನಿಕರು ತುಂಬಾ ತೃಪ್ತರಾಗಿದ್ದಾರೆ ಮತ್ತು ಆಸ್ಪತ್ರೆಗೆ ಬರುವ ರೋಗಿಗಳಿಗೆ ಡಾ.ಗಾಯತ್ರಿ ಮೇಡಂ ಮತ್ತು ಎಲ್ಲಾ ಆಸ್ಪತ್ರೆಯ ಸಿಬ್ಬಂದಿಗಳು ತಮ್ಮ ನಿಸ್ವಾರ್ಥ ಸೇವೆಗಾಗಿ ಶ್ಲಾಘಿಸುತ್ತಾರೆ. ಆದ್ದರಿಂದ ನಾವು ARS ಸಮಿತಿಯ ಅಧ್ಯಕ್ಷರು ಹಾಗೂ ಸದಸ್ಯರು ಡಾ.ಗಾಯತ್ರಿ ಮೇಡಂ ಹಾಗೂ ಹಾಸ್ಪಿಟಲ್ ಸಿಬ್ಬಂದಿಗಳು ತಮ್ಮ ಸೇವೆಯನ್ನು ಅಶ್ವಥ್ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಮುಂದುವರಿಸಲು ಮತ್ತು ಬರುವ ರೋಗಿಗಳಿಗೆ ಸಹಾಯ ಮಾಡಲು ವೈದ್ಯೆ ಗಾಯಿತ್ರಿ ಮುಂದಾಗ ಬೇಕೆಂದು ಆಗ್ರಹಿಸಿದರು.‌

Related Articles

Leave a Reply

Your email address will not be published. Required fields are marked *

Back to top button

Notice: ob_end_flush(): Failed to send buffer of zlib output compression (0) in /home/twzwscfi/suddilive.in/wp-includes/functions.php on line 5373