ಸುದ್ದಿಲೈವ್/ಶಿವಮೊಗ್ಗ

ಕೃಷ್ಣಾಷ್ಠಮಿ ಪ್ರಯುಕ್ತ ನಗರದಲ್ಲಿ ಮಕ್ಕಳಿಗೆ ಕೃಷ್ಣನ ವೇಷ ಹಾಕಿಸಿ ಸಂಭ್ರಮಿಸಲಾಗಿದೆ. ಮಕ್ಕಳಿಗೆ ಕೃಷ್ಣನ ವೇಷ ಹಾಕುವ ಮೂಲಕ ಅಷ್ಠಮಿಗೆ ಕಳೆ ತುಂಬಲಾಗಿದೆ.

ನಗರದ ರವೀಂದ್ರ ನಗರದ ಸ್ವಾಮಿ ವಿವೇಕಾನಂದ ಇಂಟರ್ನಾಷನಲ್  ಶಾಲೆಯಲ್ಲಿ ಕೃಷ್ಣಾಷ್ಠಮಿಗಾಗಿ ಮಕ್ಕಳಿಗೆ ವೇಷ ಹಾಕಲಾಯಿತು. ಹೆಣ್ಣು ಮಕ್ಕಳು ರಾಧೆಯ ವೇಷದಲ್ಲಿ ಬಂದರೆ ಗಂಡು ಮಕ್ಕಳು ಕೃಷ್ಣನ ವೇಷದಲ್ಲಿ ಬಂದಿದ್ದು ವಿಶೇಷವಾಗಿತ್ತು.

ಬಾಲ ಕೃಷ್ಣನ ಹಾವ ಭಾವ ನೋಡಲು ಎರಡು ಕಣ್ಣುಗಳು ಸಾಲದು ಎಂಬಂತಾಗಿತ್ತು.  ರೋಹಿಣಿ ನಕ್ಷತ್ರ ಇಂದು ರಾತ್ರಿ 8 ಗಂಟೆಗೆ ಬಂದಿದೆ. ಶಾವಣ ಮಾಸ ಕೃಷ್ಣ ಪಕ್ಷದ ಅಷ್ಟಮಿ ದಿನ ಕೃಷ್ಣ ಜನ್ಮಿಸಿದ್ದನು. ಕೃಷ್ಣನ ಪ್ರತಿಯೊಂದು ಘಟನೆಯೂ ಐತಿಹಾಸಿಕವಾಗಿದೆ.

ಉಡುಪಿಯಲ್ಲಿ ನಾಳೆ ವಿಟ್ಲಪಿಂಡಿ ನಡೆಯಲಿದೆ. ನಾಳೆ ಮಣ್ಣಿನಿಂದ ಬಾಲಕೃಷ್ಣನನ್ನ ನಿರ್ಮಿಸಿ ರಥಯಾತ್ರೆ ನಡೆಸಿ ನಂತರ ಮಧ್ವ ಸರೋವರದಲ್ಲಿ ಬಿಡಲಾಗುತ್ತದೆ. ರಥೋತ್ಸವ ಹೋಗುವ ವೇಳೆ, ಹುಲಿವೇಷ, ವಿಟ್ಲಪಿಂಡಿ (ಮೊಸರಿನ ಕುಡಿಕೆ ಒಡೆಯುವುದು) ಮಿದಲಾದ ಕಾರ್ಯಕ್ರಮಗಳು ನಡೆದಿದೆ.

ಸುದ್ದಿಲೈವ್/ಶಿವಮೊಗ್ಗ

ಆಗಸ್ಟ್ 26  ರಂದು ಶ್ರೀ ಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ಅಂದು ಒಂದು ದಿನ ಪಾಲಿಕೆ ವ್ಯಾಪ್ತಿಯಲ್ಲಿ ಪ್ರಾಣಿ ವಧೆ ಹಾಗೂ ಮಾಂಸ ಮಾರಾಟ ಮಾಡುವುದನ್ನು ನಿಷೇಧಿಸಲಾಗಿದೆ. 

ಆದ್ದರಿಂದ ಮಾಂಸ ಮಾರಾಟದ ಮಾಲೀಕರು ತಮ್ಮ ಉದ್ದಿಮೆಯನ್ನು ಬಂದ್ ಮಾಡಿ ಸಹಕರಿಸಲು ಕೋರಿದೆ. ಈ ಆದೇಶವನ್ನು ಉಲ್ಲಂಘಿಸುವ ಅಂಗಡಿ ಮಾಲೀಕರ ಮೇಲೆ ಸೂಕ್ತ ಕಾನೂನು ಕ್ರಮ ವಹಿಸಲಾಗುವುದು ಎಂದು ಪಾಲಿಕೆ ಆಯುಕ್ತರು ತಿಳಿಸಿದ್ದಾರೆ.