ಸುದ್ದಿಲೈವ್/ಶಿವಮೊಗ್ಗ
ಶಿವಮೊಗ್ಗ ನಗರದ ಶೆಷಾದ್ರಿಪುರಂ ರೈಲ್ವೆ ಮೇಲು ಸೇತುವೆ ಮತ್ತು ರಾಗಿಗುಡ್ಡಕ್ಕೆ ಹೋಗುವ ರಸ್ತೆ ಸರಿಪಡಿಸದೆ ಅನೇಕ ದಿನಗಳು ಕಳೆದಿದ್ದುಇದರ ವಿರುದ್ಧ ಕನ್ನಡ ಹೋರಾಟಗಾರರ ಸಂಘಟನೆ ರಸ್ತೆ ತಡೆ ನಡೆಸಿದೆ.
ರಸ್ತೆಯನ್ನ ಕಾಲಕಾಲಕ್ಕೆ ಸರಿಯಾಗಿ ನಿರ್ವಾಹಣೆಯನ್ನು ಮಾಡದೇ ರಸ್ತೆಯ ಸ್ಥಿತಿಯು ಹದಗೆಟ್ಟಿದ್ದು ಸಂಗೋಳ್ಳಿ ರಾಯಣ್ಣ ವೃತ್ತದಿಂದ ಮೇಲು ಸೇತುವೆಯು ಒಳಗೊಂಡಂತೆ ರಾಗಿಗುಡ್ಡಕ್ಕೆ ಹಾದು ಹೋಗುವ ರಸ್ತೆಯು ಹಳ್ಳ ಗುಂಡಿಗಳಿಂದ ಕೂಡಿದೆ.
ಇದರಿಂದ ಬಸ್ ಲಾರಿಗಳು ಚಲಿಸುವುದರಿಂದ ವಾಹನ ಸವಾರರು ಮತ್ತು ಅಲ್ಲಿನ ಸ್ಥಳೀಯ ನಿವಾಸಿಗಳಿಗೆ ಧೂಳಿ ಕುಡಿಯುವ ಹಾಗೆ ಆಗಿದೆ. ತೀವ್ರವಾದ ದೂಳಿನಿಂದಾಗಿ ದುಷ್ಪಪರಿಣಾಮಗಳು ಪರಿಣಾಮ ಬೀರಿದೆ. ಇಷ್ಟೆಲ್ಲಾ ಅನಾನುಕೂಲವಿದ್ದರೂ ಪಿಡಬ್ಲೂಡಿ ಅಧಿಕಾರಿಗಳು ಕಣ್ಮುಚ್ಚಿ ಕುಳಿತಿರುವುದಾಗಿ ಪ್ರತಿಭಟನಾಕಾರರು ಆರೋಪಿಸಿದ್ದಾರೆ.
ಇಲಾಖೆಯು ಇದಕ್ಕೆ ಗುಂಡಿ ಮುಚ್ಚುವ ಡಾಂಬರಿಕರಣ ಹಾಗೂ ತೇಪೆ ಹಾಕುವ ಕೆಲಸನಡೆಯುತ್ತಿದೆ. ಆದರೆ ಇಲಾಖೆ ಶಾಶ್ವತ ಪರಿಹಾರ ಒದಗಿಸಬೇಕು. ಸೇತುವೆ ತುದಿಯಿಂದ ಅರ್ಧ ಕಿಲೋಮಿಟರ್‌ಕ್ಕಿಂತ ಕಡಿಮೆ ದೂರದವರೆಗೆ ಕಾಂಕ್ರಿಟ್ ರಸ್ತೆಯನ್ನು ನಿರ್ಮಿಸಬೇಕುಶಾಸಕರ ನಿಧಿಯನ್ನು ಬಳಸಿಕೊಂಡು ಶಾಶ್ವತ ಪರಿಹಾರ ಮಾಡಿಕೊಡಬೇಕೆಂದು ಆಗ್ರಹಿಸಿದರು. ಇದು ಸಾಕೇತಿಕ ಹೋರಾಟವಾಗಿದ್ದು ತಪ್ಪಿದಲ್ಲಿ ಹೋರಾಟವನ್ನ ತೀವ್ಗೊಳಿಸುವುದಾಗಿ ಎಚ್ಚರಿಸಿದರು.
ಎಮ್ಮೆ ಚರ್ಮದ ಪಿಡಬ್ಲೂಡಿ ಇಲಾಖೆ
ಸುಮರು ಒಂದು ತಿಂಗಳ ಹಿಂದೆ ಹೊನ್ನಾಳಿ ರಸ್ತೆ ಚೌಡಮ್ಮ ದೇವಸ್ಥಾನದ ನಿವಾಸಿಗಳು ಇದೇ ಬೇಡಿಕೆಯಿಟ್ಟುಕೊಂಡು ರಸ್ತೆ ತಡೆ ನಡೆಸಿದ್ದರು. ಗುಂಡಿ ತುಂಬಿಸಿ ಜೀವ ಉಳಿಸಿ ಎಂಬ ಪ್ರತಿಭಟನೆ ನಡೆಸಿದ್ದರು.
ಆಗ ಕೋಟೆ ಪೊಲೀಸ್ ಠಾಣೆ ಪಿಐ ಮಧ್ಯಸ್ಥಿಕೆಯಲ್ಲಿ ಪ್ರತಿಭಟನೆ ಸುಖಾಂತ್ಯಗೊಂಡಿತ್ತು. ಆದರೆ ಶಾಶ್ವತ ಪರಿಹಾರ ಕೊಡದ ಪಿಡಬ್ಲೂಡಿ ಇಲಾಖೆ ಮತ್ತೆ ಗುತ್ತಿಗೆದಾರರ ರಕ್ತ ಹೀರಿ ಗುಂಡಿ ತುಂಬಿಸಿತ್ತು. ಒಂದು ತಿಂಗಳಾದರೂ ಸರಿಪಡಿಸದ ಇಲಾಖೆ ಚಿರನಿದ್ರೆಗೆ ಜಾರಿತ್ತು. ಕನ್ನಡ ಪರ ಹೋರಾಟಗಾರರು ಮತ್ತೆ ಚಾಟಿ ಬೀಸಿ ಎಬ್ಬಿಸಿದ್ದಾರೆ. ಮತ್ತೆ ಯಾವಾಗ ನಿದ್ದೆಗೆ ಜಾರತ್ತೋ ಇಲಾಖೆ ಗೊತ್ತಿಲ್ಲ. ಒಟ್ಟಿನಲ್ಲಿ ಎಮ್ಮೆ ಚರ್ಮದ ಇಲಾಖೆಗೆ ಇನ್ನೂ ಎಷ್ಟು ಪ್ರತಿಭಟನೆ ನಡೆಸೊಬೇಕೋ ಗೊತ್ತಿಲ್ಲ.
ಈಶ್ವರಪ್ಪನವರ ಮಧ್ಯಸ್ಥಿಕೆ
ಇದೇ ದಾರಿಯಲ್ಲಿ ಸಾಗುತ್ತಿದ್ದ ಮಾಜಿ ಡಿಸಿಎಂ ಈಶ್ವರಪ್ಪ ಪ್ರತಿಭಟನೆ ನೋಡಿ ಸ್ಥಳದಲ್ಲಿದ್ದ ಅಧಿಕಾರಿಗೆ ಸೂಕ್ತ ಕ್ರಮ ಜರುಗಿಸುವಂತೆ ಸೂಚಿಸಿದರು. ಈ ವೇಳೆ ಪುತ್ರ ಕಾಂತೇಶ್ ಉಪಸ್ಥಿತರಿದ್ದರು.
ಪ್ರತಿಭಟನೆಯಲ್ಲಿ ಕನ್ನಡ ಹೋರಾಟಗಾರ ರ ಮುಖಂಡರಾದ ರವಿಪ್ರಸಾದ್ ಎಂ. (ಮಧುಸುದನ್ ಎಸ್.ಎಂ)ನಯಾಜ್ ಎಂ., ಇದ್ರೇಶ್, ಕಿಶೋರ್, ನೂರುಲ್ಲ, ರಘು, ಅನಿಲ್ ಕುಮಾರ್, ರಫೀಕ್ ಖಾನ್, ಲೋಕೇಶ್, ಶಿವಕುಮಾರ್, ಕೌಶಿಕ್, ಕಿರಣ್, ಹೆಚ್. ಭರತ್, ಸಂಪ್ರಿಕ್. ಅಭಿಷೇಕ, ರಾಹುಲ್, ಅಶೋಕ, ರವಿಕುಮಾರ್ ಶರತ್ ಭಾಗಿಯಾಗಿದ್ದರು.
